Mithya (2022) Zee5 Hindi Web Series

#Review


1. Ye series 6 episodes ki hai aur 33-37 mins ke beech sabhi episodes hai.


2. Ye ek British Mini-Series Cheat ka official adaptation hai aur iske director Rohan Sippy hai.


3. Ye ek murder mystery thriller hai jisko ek series ke badle agar 2 ghante ki movie banate to shayad ye aur acchi ban jaati.


4. Series ki shuruwaat bahut saadharan thi. Iski kahani aur iske characters aapko zyada interesting nahi lagenge. Ye apne aapko establish karne mein thoda samay lagati hai.


5. Iske pehle 3 episode aapko bas theek thaak he lagenge lekin iske baaki ke 3 episodes mein aapko kuch acche twist and turns dekhne milte hai jo series ko interesting banate hai aur aapko pasand aayenge.


6. Series mein multiple topics dekhne milte hai like teacher-student relationship, parent-children relationship, cheating, infidelity lekin kisi ko bhi dhang se explore nahi kiya gaya hai. Keh sakte hai iski kahani weak hai.


7. Series mein character development bhi acche se nahi kiya gaya hai isliye aap series se emotionally connect bhi nahi ho paate hai.


8. Series ki sabse acchi baat hai iske characters ki performance. Huma Qureshi aur Avantika Dassani dono ne apna kaam acche se kiya hai. In dono ki intense acting he is series ka plus point hai aur yehi cheez aapko series se baandh ke rakhti hai.


9. Series ki cinematography aur Darjeeling ka Location aapko dekh kar maza aa jaayega. Series mein kuch adult scenes bhi hai isliye no family friendly.


10. Overall ye ek average series hai jo aapka bahut zyada samay nahi leti hai aur agar aapke paas samay hai to ise ek baar dekh sakte hai actors ki performance ki wajah se.